یہ بلاگ اس بات کو سمجھنے کی طرف پہلا قدم ہے کہ آیا غذائی سپلیمنٹس ہماری صحت کے لیے اچھے ہیں اور ان کے بارے میں یہ سمجھنا ضروری ہے کہ وہ کیا ہیں۔ اس کی صحیح سمجھ بوجھ کے بغیر، ہم ڈاکٹر کی ہدایات پر آنکھیں بند کرکے عمل کرنے پر مجبور رہیں گے۔

اگر ہم لغوی معنی پر غور کریں تو غذائی سپلیمنٹس سے مراد کوئی بھی کیپسول، گولی، چبانے کے قابل دوا یا شربت ہے جس میں غذائی عنصر موجود ہو۔ بہت سے امینو ایسڈز، وٹامنز، معدنیات وغیرہ شامل ہو سکتے ہیں۔ یہ ایک نیوٹریشن بار کے طور پر بھی استعمال کیا جا سکتا ہے۔

یہ نوٹ کرنا ضروری ہے کہ غذائی سپلیمنٹس کو صرف منہ سے ہی کھایا جانا چاہیے۔ دوسری صورت میں، اسے غذائی سپلیمنٹس کے طور پر قرار نہیں دیا جاسکتا ہے. ایک غذائی سپلیمنٹ جو ناک کے اسپرے، کریم یا لوشن وغیرہ کی شکل میں آتا ہے، بالکل بھی غذائی سپلیمنٹ نہیں ہے، بلکہ ایک دوا ہے۔

غذائی سپلیمنٹس کی اقسام:

سپلیمنٹس ہمارے جسم کو غذائی اجزاء فراہم کرتے ہیں۔ لیکن یہ غذائی اجزاء اصل میں کیا ہیں؟

اس طرح کے سوالات کے جوابات کے لیے، ہمیں آپ کو مطلع کرنا ہوگا کہ وہ مختلف ذرائع سے آتے ہیں، یہاں غور کرنے کے لئے چند چیزیں ہیں۔

مصنوعی: اس قسم کے غذائی سپلیمنٹس وہ ہیں جو مصنوعی طور پر بنائے گئے ہیں۔

جزوی طور پر مصنوعی: یہ سپلیمنٹس پودوں، غیر نامیاتی مادے، جانوروں کی بافتوں وغیرہ سے حاصل کردہ غذائی اجزاء پر مشتمل ہوتے ہیں۔ بعد میں، کچھ ضروریات کو پورا کرنے یا اس کی تاثیر کو بڑھانے کے لیے اسے کیمیائی طور پر تبدیل کیا جاتا ہے۔

قدرتی: یہ سپلیمنٹس پودوں، جانوروں اور جانوروں کی بافتوں سے حاصل کردہ غذائی اجزاء کا استعمال کرتے ہوئے بنائے جاتے ہیں۔ ان کو نکالنے کے لیے غیر نامیاتی مواد، جیسے پتھر اور سمندری پانی بھی استعمال کیا جا سکتا ہے۔

غذائی سپلیمنٹس کے فوائد:

انسانی جسم کو صحت کے فوائد فراہم کرنے کے علاوہ، غذائی سپلیمنٹس درج ذیل کام کرتے ہیں۔

غذائیت فراہم کرنا اور جسم میں غذائیت کی کمی کا مقابلہ کرنا۔

مدافعتی نظام کو بڑھانا۔

یہ دونوں امور انسانی صحت کے لیے واقعی کافی اہم ہیں۔

وٹامن ای اور سی (اینٹی آکسیڈنٹس) کیموتھراپی ادویات کے زہریلے اثرات کو کم کر سکتے ہیں، مثال کے طور پر کچھ سنگین طبی حالات، جیسے ہائی بلڈ پریشر، خون کی کمی یا امراضِ قلب وغیرہ، کو بھی مناسب مقدار میں غذائی اجزاء کے استعمال سے روکا جا سکتا ہے۔

غذائی سپلیمنٹس کے نقصانات:

غذائی سپلیمنٹس کا اگرچہ کوئی نقصان نہیں ہے جب تک کہ وہ طبی ماہرین کے نسخے کے مطابق کھائے جائیں۔ اس کے باوجود ہمیں دھیان رکھنا چاہیے کہ ان سپلیمنٹس کی بھاری خوراک آپ کے لیے کچھ مسائل کا باعث بن سکتی ہے۔

مثال کے طور پر وٹامن کے طویل اور زیادہ استعمال سے اعصاب کو ناقابل تلافی نقصان پہنچنے کا امکان ہے۔ اسی طرح، اگر آپ اچانک وٹامن سی کی بڑی مقدار کا استعمال کرتے ہیں تو اسہال (ڈائریا) ہوسکتا ہے۔

اگر کوئی شخص ایک ہی وقت میں مختلف دوائیں لے رہا ہو تو اس کے نتیجے میں اعصابی نظام میں نئے مسائل پیدا ہوسکتے ہیں۔ فرض کریں کہ آپ کیل مہاسوں سے بچنے کی دوائیں لیتے ہیں۔ پھر آپ وٹامن اے کی گولیاں بھی لینا شروع کر دیں۔ اس کیمیائی عمل کے نتیجے میں آپ کے جسم میں وٹامن اے کی زہریلی مقدار بڑھ جائے گی۔

تو کیا ہم کہہ سکتے ہیں کہ یہ اچھا ہے یا بُرا؟

آیا غذائی سپلیمنٹس آپ کے لیے اچھے ہیں یا برے اس بات پر منحصر ہے کہ آپ انہیں کس طرح استعمال کرتے ہیں۔ سب ٹھیک ہے جب تک کہ آپ انہیں ڈاکٹری نسخے کے مطابق لیتے ہیں (بشرطیکہ آپ نے اپنے ڈاکٹر کو بتایا ہو کہ آپ کسی دوسری دوائی پر نہیں ہیں)

not null

• رنم ہرا

کھانے کی شوقین

مترجم : Kamran Shah