سیسمی ہنی چکن

ترکیب

• ایک پیالے میں بون لیس چکن ڈالیں۔
• اس میں نمک، کالی مرچ، سفید مرچ، چکن پائوڈر، پیپریکا، کارن فلور، میدہ، بیکنگ سوڈا ڈالیں، لیموں نچوڑیں اور پانی ڈال کر چکن کی بوٹیوں کو اچھی طرح اس میں کوٹنگ کرلیں۔
• ایک پین میں تیل گرم کریں اور کوٹ کی ہوئی چکن کی بوٹیوں کو اس میں ڈال کر اچھی طرح فرائی کرلیں۔
• ہنی باربی کیو ساس بنانے کے لیے ایک پین میں تیل ڈالیں اور اس میں کٹی ہوئی لہسن ڈال کر بھونیں۔
• اب اس میں کیچپ اور پانی ملائیں اور ایک منٹ تک پکائیں۔
• اب اس میں چلی ساس، سوئے ساس، کالی مرچ، باربی کیو ساس، نمک اور چینی ڈال کر اچھی طرح مکس کریں۔
• اب کوٹنگ کی ہوئی چکن کی بوٹیوں کو اس میں ڈال کر اچھی طرح بھونیں۔
• اب اسے چولہے سے ہٹا کر ایک طرف رکھ دیں۔
• چاول بنانے کے لیے ایک پین میں تیل گرم کریں اور اس میں لہسن ڈال کر بھونیں۔
• اب اس میں اُبلے ہوئے چاول، نمک، کالی مرچ، چکن پائوڈر، ہری پیاز ڈالیں اور اچھی طرح مکس کریں۔
• اب تیار شدہ چکن کو ان چاولوں کے ساتھ سجا کر گرما گرم پیش کریں۔
• مزیدار سیسمی ہنی چکن کا لطف اٹھائیں۔