فرائیڈ بریڈ ٹرائفل

(9747 وِیوز)

جلدی اور آسانی سے بن جانے والا منفرد اور مزیدار میٹھا جسے نام دیا گیا ہے فرائیڈ بریڈ ٹرائفل کا۔ یہ لذیذ اور لاجواب میٹھا مغلیہ عہد کے مقبول ترین شاہی ٹکڑے کی ایک عمومی شکل ہے جسے نئے سیکھنے والوں کے لئے ہمارے ماہر شیف نے خاص طور پر تیار کیا ہے۔

  • درمیانی
  • 3 افراد
  • 25 Min
  • 2 Likes

اجزاء

    • ملک آدھا لیٹر
    • چینی ایک کپ
    • ونیلا ایسنس ایک چائے کا چمچ
    • مکئی کے آٹے کا مکسچر دو سے تین کھانے کے چمچ
    • کنڈینسڈملک تین سے چار کھانے کے چمچ
    • کریم دو سے تین کھانے کے چمچ
    • ڈبل روٹی حسبِ ضرورت
    • پستہ سجاوٹ کے لئے

ترکیب

  • سب سے پہلے ایک بڑے برتن میں دودھ، چینی اور ونیلا ایسنس ڈال کر 10 منٹ تک اچھی طرح چمچ چلائیں۔
  • اب اس میں مکئی کے آٹے کا مکسچر ڈال کر پکائیں پھر اس میں کنڈینسڈ ملک اور کریم ڈالیں اور 5 منٹ تک چمچ چلاتے رہیں۔ پھر اسے اٹھا کر ایک طرف رکھ دیں۔
  • اب ڈبل روٹی کا ایک سلائس لے کر اس کے زرد کنارے کاٹ دیں پھر اسے بالکل درمیان سے ایسے رخ سے کاٹیں کہ دو تکونی شکل کے ٹکڑے بن جائیں۔
  • اب ان تکونی شکل کے ٹکڑوں کو باری باری کڑاھی میں ڈال کر زردی مائل سنہری ہونے تک تل لیں۔
  • اب ان تلے ہوئے ٹکڑوں کو کڑاھی سے نکال کر طشتری میں سجالیں اور ان پر پہلے سے تیار شدہ دودھ کا آمیزہ ڈال دیں اور کٹے ہوئے پستوں سے سجالیں۔
  • میٹھا اور مزیدار فرائیڈ بریڈ ٹرائفل تیار ہے۔ نیچے دیئے گئے خانے میں ہمیں اپنی قیمتی رائے سے ضرور آگاہ کریں۔
 
اس ترکیب کو پسند کریں؟

آپکو کیسا لگا؟