kanas logog

بھنڈی چکن

(6157 وِیوز)

بھنڈی چکن ایک لذیذ اور مسالے دار روایتی پکوان ہے جس میں شامل ٹماٹر کا ذائقہ اس کا لطف دوبالا کرتا ہے۔ یہ تیکھا اور کرارا پکوان کسی بھی کھانے کے وقت مین ڈش کے طور پر پیش کیا جاسکتا ہے۔ اسے گرم گرم تندوری نان کے ساتھ کھائیں تو اور بھی پُرلطف ہوجاتا ہے۔

  • درمیانی
  • 3 افراد
  • 25 Min
  • 4 Likes
 

اجزاء

    • تیل تین سے چار کھانے کے چمچ
    • پیاز، کٹی ہوئی ایک عدد
    • ثابت لال مرچ پانچ سے چھ عدد
    • کڑھی پتہ پانچ سے چھ عدد
    • ادرک لہسن کا پیسٹ ایک کھانے کا چمچ
    • مرغی کا گوشت، بنا ہڈی کے آدھا کلو گرام
    • ٹماٹر کٹے ہوئے ایک سے دو عدد
    • بھنڈی آدھا کلو گرام
    • نمک حسبِ ذائقہ
    • گرم مسالا ایک چائے کا چمچ
    • دھنیا پائوڈر ایک چائے کا چمچ
    • زیرہ پسا ہوا ایک چائے کا چمچ
    • لال مرچ پسی ہوئی ایک چائے کا چمچ
    • ہلدی، پسی ہوئی آدھا چائے کا چمچ
    • دہی آدھا کپ
    • پانی حسبِ ضرورت
    • دھنیا سجاوٹ کے لئے

ترکیب

  • سب سے پہلے ایک کڑاھی میں تیل گرم کریں اور اس میں پیاز ڈال کر اچھی طرح بھون لیں۔
  • اب اس میں ثابت زیرہ، ثابت لال مرچ اور کڑھی پتہ ڈال کر اچھی طرح بھونیں۔
  • اب اس میں ادرک لہسن کا پیسٹ ڈالیں اور مزید بھونیں۔
  • اب اس میں مرغی کا گوشت ڈالیں اور اچھی طرح مکس کریں۔
  • اب اس میں کٹے ہوئے ٹماٹر ڈالیں اور اچھی طرح مکس کریں۔ 3 سے 4 منٹ تک پکانے کے بعد اسے اٹھا کر ایک طرف رکھ دیں تاکہ بعد میں کام میں آئے۔
  • اب ایک الگ برتن میں تیل گرم کریں اور اس میں بھنڈی ڈال کر بھونیں۔
  • اب اس میں نمک، گرم مسالا، دھنیا پائوڈر، زیرہ پائوڈر اور پسی ہوئی لال مرچ ڈال کر اچھی طرح مکس کریں۔
  • اب پہلے سے پکا کے رکھی ہوئی مرغی کو اٹھا کر بھنڈی میں ڈالیں اور اچھی طرح مکس کریں۔
  • اب اس میں دہی اور اس کے بعد پانی ڈال کر اچھی طرح مکس کریں اور 8 سے 10 منٹ تک دم پر رکھ دیں۔
  • اب اس پر ہرا دھنیا چھڑک لیں۔
  • مزیدار بھنڈی چکن تیار ہے۔ نیچے دیئے گئے خانے میں ہمیں اپنی قیمتی رائے سے آگاہ کریں۔
 
اس ترکیب کو پسند کریں؟
 

آپکو کیسا لگا؟