چکن چنگیزی
مغل بادشاہوں کے شاہی مطبخ سے نکل کر برصغیر کے طول و عرض میں پھیلنے والا مزیدار اور شاندار پکوان جسے مرغی کے گوشت سے تیار کیا جاتا ہے۔ مرغی کے گوشت اور دودھ میں پکا گاڑھا کریمی، مسالے دار، نرم و ملائم زور ہضم اور مزے دار چنگیزی چکن کئی روایات میں چنگیز خان کے مطبخ سے بھی جوڑا جاتا ہے۔ ہلکی چپاتی یا نان کے ساتھ پیش کرنے کے لئے بہترین ہے تاہم اسے چاولوں کے ساتھ بھی کھایا جاتا ہے۔
اجزاء
-
- مرغی کا گوشت، بنا ہڈی کے آدھا کلو گرام
- لال مرچ پسی ہوئی ایک چائے کا چمچ
- دھنیا پائوڈر ایک چائے کا چمچ
- نمک حسبِ ذائقہ
- لیموں کا رس ایک کھانے کا چمچ
- ادرک کا پیسٹ ایک کھانے کا چمچ
- لہسن کا پیسٹ ایک کھانے کا چمچ
- دہی ایک کپ
- کریم ایک کپ
- کیچپ ایک کھانے کا چمچ
-
- گھی ایک کپ
-
- پیاز باریک کٹی ہوئی ایک عدد
-
- دھنیا پائوڈر ایک چائے کا چمچ
-
- کاجو چھ سے سات عدد
-
- قصوری میتھی، (خشک میتھی) ایک چائے کا چمچ
-
- ہرا دھنیا آدھی گٹھی
ترکیب
- ایک بڑے پیالے میں مرغی کا بنا ہڈی کا گوشت لیں، اس میں پسی ہوئی لال مرچ، پسا ہوا دھنیا، نمک، لیموں کا رس، ادرک لہسن کا پیسٹ، دہی، کریم اور کیچپ ڈالیں۔
- اب ان تمام اجزا کو اچھی طرح ملائیں تاکہ یکجان ہوجائیں۔ اس کے بعد اسے 20 منٹ تک کے لئے ایک طرف رکھ دیں۔
- اب ایک فرائنگ پین میں گھی ڈال کر گرم کریں اور پیاز ڈال کر اچھی طرح بھون لیں۔
- اب اس میں میری نیٹ کیا ہوا چکن ڈالیں اور اچھی طرح ملائیں۔
- اب اس میں دھنیا پائوڈر ڈالیں، پکائیں اور 5 سے 8 منٹ تک کے لئے دم دے دیں۔
- اب اس میں کاجو اور قصوری میتھی ڈالیں، تھوڑا سا ہرا دھنیا چھڑکیں اور اچھی طرح مکس کریں۔
- اب اسے ہرے دھنئے سے سجا لیں۔
- مزے دار چکن چنگیزی تیار ہے۔ اچھے سے کھائیں اور مزے اُڑائیں۔ نیچے دیئے گئے خانے میں ہمیں اپنی قیمتی رائے سے آگاہ کریں۔
اس ترکیب کو پسند کریں؟
آپکو کیسا لگا؟