بمبئی بریانی

ترکیب

• بریانی مسالہ بنانے کے لیے: ایک گرائنڈر میں جائفل، جویتری، لونگ، ثابت کالی مرچ، بادیان کے پھول، بڑی الائچی، زیرہ اور دار چینی ڈال کر پیس لیں۔
• اب اس پسے ہوئے مسالے میں دھنیا پاؤڈر، لونگ، کٹی ہوئی لال مرچ، آلو بخارہ، تیز پات، بڑی الائچی، ہلدی پاؤڈر، زیرہ پاؤڈر، پسی ہوئی لال مرچ، نمک حسب ضرورت، ثابت کالی مرچ ڈال اچھے سے مکس کریں۔
• اب بنے ہوئے مسالے کو دہی میں ڈال کر سائیڈ پر رکھ دیں
• اب ایک پتیلے میں گھی گرم کریں، اس میں تیل شامل کر کے گرم کریں، پھر کٹی ہوئی مرغی کو شامل کر کے اس وقت تک پکایئں جب تک وہ رنگ نہ بدل لے۔
• اب ادرک لہسن کا پیسٹ ڈال کر اچھے سے مکس کریں
• اب کٹے ہوئے ٹماٹر ڈال کر 4 سے 5 منٹ کے لیے بھون لیں
• پھر اس میں دہی ملے بریانی مسالے کو ڈال کر بھون لیں اور درمیانی آنچ پر 5 منٹ کے لیے پکائیں
• اب بچا ہوا مسالہ ڈال کر اچھے سے مکس کرلیں
• اور کٹے ہوئے ٹماٹر کو شوربے میں ڈال کر مکس کریں۔
• اب درمیانی سائز کی ہری مرچیں، آلو کٹے ہوئے، کیوڑہ ایک کھانے کا چمچ ڈال کر اچھے سے مکس کریں
• تھوڑا سا پانی شامل کرکے 15 سے 20 منٹ کے لیے دم پر رکھ دیں، جب تک آلو گل نہ جائے اور تیل اوپر آجائے۔
• اب براؤن پیاز ڈال کر مکس کریں، پھر کٹا ہوا دھنیا گارنش کرکے چولہا بند کردیں۔
• چاول کے لیے: اب ایک پتیلے میں پانی گرم کریں، اس میں دو کھانے کے چمچ نمک ڈالیں، گرم مسالہ ڈال کر ابال لیں
• اب چاول شامل کرکے تیز آنچ پر تب تک پکائیں جب تک چاول کی ایک کنی رہ جائے۔ چاول کو چھان کر سائیڈ پر رکھ دیں۔
• ایک بڑے پتیلے میں تیل ڈالیں، اس میں پکے ہوئے چاولوں کی تہہ لگائیں، پھر سالن کی تہہ لگائیں، تھوڑا سا کٹا ہوا دھنیا گارنش کریں اور اسی طرح ساری تہیں لگائیں
• اس کے بعد تھوڑا سا تیل ڈالیں، کھانے کا رنگ ڈالیں، کٹا ہوا دھنیا ڈالیں
• کپڑا لگا کر15-20 سے بیس منٹ کے لیے دم پر رکھ دیں۔
• مزے دار بمبئی بریانی تیار ہے۔ رائتہ اور سالاد کے ساتھ پیش کیجیے