چکن پلاو

ترکیب

• مرغی کی یخنی کے لیے سب سے پہلے ایک پتیلے میں پانی ڈالیں، اس کے بعد اس میں پیاز ڈالیں، پھر ثابت کالی مرچ، لونگ، ثابت دھنیا، مرغی کا گوشت آدھا کلو، ثابت گول مرچیں ڈال کر ہلکی آنچ پرابالیں تاکہ مرغی گل جائے۔
• ابال کے وقت جو جھاگ آئے، اس کو چمچ کی مدد سے چھان لیں۔
• اب ایک پتیلے میں گھی ڈالیں اور کٹی ہوئی پیاز کو فرائی کرلیں۔
• اس کے بعد بادیان کے پھول، زیرہ، دار چینی، الائچی، بڑی الائچی اور مرغی ڈالیں اوراچھی طرح سےمکس کرلیں، یخنی بعد کے لیے رکھ لیجیے۔
• اس کے بعد ادرک لہسن کا پیسٹ ڈال کراچھی طرح مکس کرلیں۔
• پھر ہری مرچیں اور یخنی میں حسب ذائقہ نمک ڈال کر ابال دیں۔
• اس کے بعد بڑی ہری مرچیں اور چاول ڈالیں اور چمچ کی مدد سے ہلائیں۔ پھر کھانے کا رنگ ڈالیں، دھنیا سے گارنش کریں، کٹی ہوئی مرچیں ڈال کر10 سے15 منٹ کے لیے دم پر رکھ دیں ۔
• مزے دار چکن پلاؤ تیار ہے۔