ہرا مسالہ چھولے

ترکیب

• ہرے مسالے کے لیے: ایک بلینڈر کے اندر دھنیا، پودینہ، ہری مرچیں، لیمو کا رس، سفید سرکہ، نمک حسب ذائقہ اور پانی ڈال کر اچھے سے بلینڈ کریں۔
• اب ایک پتیلے میں تیل ڈال کر گرم کریں اور پیا ز ڈال کر ہلکا براؤن کرلیں۔ اب کٹے ہوئے ٹماٹر ڈالیں اور اچھے سے ڈھکن ڈھانک کر پانچ سے سات منٹ کے لیے پکائیں کہ ٹماٹر نرم ہوجائیں۔ اب ٹماٹروں کو چمچ کی مدد سے پیس لیجیے۔
• اب ادرک لہسن کا پیسٹ ڈالیں اور اچھے سے مکس کرلیں۔ اس کے بعد کٹی ہوئی مرچیں ڈالیں، نمک، چکن پاؤڈر، دھنیا پاؤڈر، گرم مسالہ ڈال کر اچھے سے مکس کرلیں۔
• اس کے بعد ہرا مسالہ اور دہی شامل کرکے اچھی طرح مکس کریں۔ اب چھولے شامل کریں اور مکس کرنے کے بعد دم پر رکھ دیں پانچ منٹ کے لیے۔
• مکھن شامل کرکے اچھے سے مکس کریں۔ مرچوں اور دھنیا سے گارنش کریں۔
• مزے دار ہرا مسالہ چھولے تیار ہیں۔