بالٹی گوشت

ترکیب

• بالٹی مسالہ بنانے کے لیے ایک فرائنگ پین میں میتھی دانہ، زیرہ، الائچی پسی ہوئی، سونف، کالا رائی دانہ، دھنیا ،ہلدی، لال مرچ پسی ہوئی، کشمیری مرچ پسی ہوئی، نمک حسب ذائقہ، تیز پات، دار چینی ڈال کر اچھے سے بھون لیں۔
• اب اس مسالے کو گرائنڈر میں ڈال کر پیس لیں۔ پھر مسالے میں سرکہ اور تیل شامل کر کے اچھے سے مکس کریں اورپیسٹ بنا لیں ۔ بالٹی مسالہ تیار ہے۔
• ایک پتیلے میں تیل گرم کریں پھراس میں باریک کٹی ہوئی پیاز شامل کرکے گولڈن براؤن ہونے تک پکائیں۔ اب گوشت کی بوٹیاں اس میں ڈال کر اچھے سے بھونیں۔ اس کے بعد اادرک لہسن کا پیسٹ ڈال کر مکس کرلیں۔
• پھراس میں ٹماٹر ڈال کر مکس کریں، پھر بنا ہوا بالٹی مسالہ ڈال کر چمچ سے مکس کریں۔
• اب دہی ڈال کر اچھے سے مکس کریں، ہری مرچیں ڈالیں اور ڈھکن ڈھانک کر 10 سے 15 منٹ تک پکائیں۔
• پھر بچے ہوئے ٹماٹر ڈالیں اور مکس کردیں۔ اب دھنیا گارنش کریں۔ نان اور روٹی کے ساتھ پیش کریں۔
• مزے دار بالٹی گوشت تیار ہے ۔