اگر آپ میٹھا کھانے کے شوقین ہیں تو کیا آپ کے لیے یہ جاننا زبردست نہیں ہوگا کہ چاکلیٹ کی ایک ایسی قسم بھی ہے جو درحقیقت صحت بخش ہے؟
جب ہم صحت مند کھانے اور طرح طرح کے لذیذ پکوانوں کے بارے میں سوچتے ہیں، تو شاید چاکلیٹ ہماری خوش خوراکی کی فہرست میں شامل نہ ہو۔ لیکن تحقیق سے ثابت ہوا ہے کہ ڈارک چاکلیٹ دل کے لیے صحت مند علاج ثابت ہو سکتی ہے جب اس میں چینی اور سیرشدہ چکنائی شامل نہ ہو۔
ڈارک چاکلیٹ کی درجہ بندی اس وقت کی جاتی ہے جب اس میں کم از کم 50 فیصد کوکو سالڈ اور کوکو بٹر ہوتا ہے۔ جتنا زیادہ کوکو سالڈز ہوگا وہ چاکلیٹ کو اتنی گہری رنگت دے گا اور چاکلیٹ جتنی زیادہ گہرے رنگ کی ہوگی، صحت کے لیے اتنے ہی زیادہ ممکنہ فوائد کی حامل ہوگی۔
بنیادی طور پر، دودھ کی چاکلیٹ اور ڈارک چاکلیٹ میں ایک جیسے اجزاء ہوتے ہیں لیکن صرف کوکو سالڈز کے فیصد میں فرق ہوتا ہے۔
"ڈارک چاکلیٹ فلاوانولز سے بھرپور ہوتی ہے"
کوکو کے درخت جیسے پودوں میں فلاوونائڈ نامی ایک اہم عنصر پایا جاتا ہے جسے چاکلیٹ بنانے کے لیے استعمال کیا جاتا ہے۔ یہ کوکا بینز یا کوکو کی پھلیاں، خمیر شدہ، بھنی ہوئی ہیں اور اس چیز کو پیدا کرتی ہیں، جسے ہم "کوکو بینز" کہتے ہیں۔
تو اس کا کیا مطلب ہے؟ اس کا مطلب ہے کہ جسے ہم ڈارک چاکلیٹ سمجھتے ہیں اس میں دیگر اقسام کی چاکلیٹ کے مقابلے میں دو سے تین گنا زیادہ فلاوانول سے بھرپور کوکو سالڈز ہوتے ہیں۔
فلاوونلز، نائٹرک آکسائیڈ کی پیداوار سے منسلک ہوتے ہیں، جو ہماری خون کی نالیوں کو آرام دیتا ہے اور خون کے بہاؤ کو بہتر بناتا ہے جس کے نتیجے میں بلڈ پریشر کم ہوتا ہے۔
خون کے بہاؤ میں بہتری کا مطلب دل کی بیماریوں سے تحفظ ہے اور یہ علم ہونا شعور و آگہی کے لیے بھی اچھا ہے۔
Suhail
مترجم : Kamran shah
اپنی رائے دیں