قیمہ پراٹھا

(11015 وِیوز)

گرما گرم مزے دار قیمہ بھرا پراٹھا ہفتہ وار چھٹی کے روز ناشتے میں کھانے کے لئے بہترین انتخاب ہے۔ اسے رائتے یا اپنی پسندیدہ چٹنی کے ساتھ کھائیں اور ایک شاندار روایتی ناشتے کے مزے اُڑائیں۔

  • درمیانی
  • 2 افراد
  • 20 Min
  • 4 Likes

اجزاء

    • تیل دو سے تین کھانے کے چمچ
    • پیاز باریک کٹی ہوئی ایک عدد
    • بیف کا قیمہ آدھا کلو گرام
    • لہسن کا پیسٹ ایک چائے کا چمچ
    • ادرک کا پیسٹ ایک چائے کا چمچ
    • دھنیا پائوڈر ایک چائے کا چمچ
    • نمک حسبِ ذائقہ
    • لال مرچ پسی ہوئی ایک چائے کا چمچ
    • زیرہ پسا ہوا ایک چائے کا چمچ
    • دہی ایک کپ
    • ہلدی، پسی ہوئی آدھا چائے کا چمچ
    • ہری مرچیں باریک کٹی ہوئی ایک عدد
    • دھنیا سجاوٹ کے لئے
    • آٹا ایک کپ
    • میدہ دو کپ
    • تیل دو کھانے کے چمچ
    • پانی حسبِ ضرورت
    • تیل دو سے تین کھانے کے چمچ

ترکیب

  • سب سے پہلے فرائنگ پین میں تیل ڈال کر گرم کریں اس میں کٹی ہوئی پیاز ڈال کر برائون ہونے تک بھون لیں۔
  • اب اس میں قیمہ اور ادرک لہسن کا پیسٹ ڈال کر اچھی طرح مکس کریں۔
  • اب اس میں دھنیا پائوڈر، نمک، پسی ہوئی لال مرچ، زیرہ پائوڈر اور دہی ڈال کر مکس کریں پھر اس میں ہلدی ڈالیں اور اچھی طرح بھونیں۔
  • اب اس میں کٹی ہوئی ہری مرچ ڈال کر مکس کریں اور 10 منٹ تک دم دے دیں۔
  • اب اس پر تازہ ہرا دھنیا چھڑک لیں، اس کے بعد پکے ہوئے قیمے کو بلینڈر میں ڈال کر اچھی طرح بلینڈ کرلیں۔
  • پراٹھے کے لئے پیڑا بنانے کے لئے ایک بڑے پیالے میں آٹا اور میدا ڈالیں اس میں تیل اور پانی ڈال کر گوندھ لیں۔
  • اب اس گندھے ہوئے آٹے سے ایک پیڑا لیں اسے خشک آٹے کا پلیتھن لگائیں اور بیلن کی مدد سے چپٹا کرلیں۔
  • اب ایک چمچ بھر قیمہ اس پر رکھ کر پھیلا لیں پھر اسے چاروں طرف سے بند کر کے گول پیڑا بنالیں اور دوبارہ خشک آٹا لگا کر بیلن کی مدد سے چپٹا کرکے روٹی کی شکل دے لیں۔
  • اب اس پراٹھے کو گرم توے پر ڈالیں، اس پر تیل لگائیں اور دونوں طرف سے اچھی طرح پکالیں۔
  • گرما گرم مزے دار قیمہ پراٹھا تیار ہے۔ نیچے دیئے گئے خانے میں اپنی قیمتی رائے درج کریں۔
 
اس ترکیب کو پسند کریں؟

آپکو کیسا لگا؟


 

رائے (1)