افغانی چکن
مرغی کے گوشت سے بنا گاڑھا، مزے دار اور مسالے دار پکوان جس میں شامل ہے ناریل کا دودھ، بالائی اور موزریلا چیز کا انوکھا مزہ جو اس کے ذائقے کو بے مثال بناتا ہے۔ اسے گرم گرم نان کے ساتھ کھائیں یا ایسے ہی روکھا تناول کریں یہ ہر طرح سے ایک بہترین اور لذیذ پکوان کا مزہ دے گا۔
- درمیانی
- 3 افراد
- 20 Min
- 5 Likes
اجزاء
-
- مرغی کا سینہ ایک عدد
- ہری چٹنی آدھا کپ
- کالی مرچ پسی ہوئی ایک چائے کا چمچ
- زیرہ پسا ہوا ایک چائے کا چمچ
- دھنیا پائوڈر ایک چائے کا چمچ
- گرم مسالا ایک چائے کا چمچ
- سرکہ ایک چائے کا چمچ
- نمک حسبِ ذائقہ
- لیموں کا رس ایک چائے کا چمچ
- سفید مرچ پسی ہوئی ایک چائے کا چمچ
- ہری مرچ کا پیسٹ ایک چائے کا چمچ
- ادرک کا پیسٹ ایک چائے کا چمچ
- لہسن کا پیسٹ ایک چائے کا چمچ
- کریم ایک چائے کا چمچ
- موزریلا چیز ایک کپ
- کوکونٹ ملک دو سے تین کھانے کے چمچ
-
- تیل ایک چائے کا چمچ
ترکیب
- سب سے پہلے مرغی کے سینے کا گوشت لیں اسے اپنے کٹنگ بورڈ پر رکھیں اور اندرونی سائیڈ سے کاٹ کر اس کے دو باریک ٹکڑے کرلیں۔ اس کے بعد اسے چھوٹے چوکور ٹکروں کی شکل میں کاٹ لیں۔
- اب ایک پیالے میں چکن کے ٹکڑے ڈالیں، اس میں ہری چٹنی، کالی مرچ، زیرہ پائوڈر، دھنیا پائوڈر، گرم مسالا، سرکہ، لیموں کا رس، پسی ہوئی سفید مرچ، ہری مرچ کا پیسٹ اور لہسن ادرک کا پیسٹ ڈالیں اور اچھی طرح مکس کریں۔
- اب اس میں موزریلا چیز کے ٹکڑے اور کوکونٹ ملک ڈالیں اور اچھی طرح مکس کریں تاکہ تمام اجزا یکجان ہوجائیں۔ اس کے بعد اسے 15 سے 20 منٹ تک میرینیٹ ہونے کے لئے رکھ دیں۔
- اب بیکنگ کے لئے استعمال ہونے والی ٹرے لیں اسے تیل سے چُپڑ لیں اور میرینیٹ کیا ہوا چکن اس میں ڈالیں۔
- اب اس ٹرے کو فوائل پیپر سے اچھی طرح ڈھک لیں اور درمیانے درجہ حرارت پر 15 منٹ کے لئے بیک ہونے کی غرض سے رکھ دیں۔
- مزے دار افغانی چکن تیار ہے۔ خوب مزے سے کھائیں۔ نیچے دیئے گئے خانے میں ہمیں اپنی قیمتی رائے سے ضرور آگاہ کریں۔
اس ترکیب کو پسند کریں؟
آپکو کیسا لگا؟