اس قسط میں عامر لیاقت ایک زبردست مشروب بنا رہے ہیں جسے واٹر میلُون سلش یا تربوز کا شربت بھی کہا جاتا ہے۔ گرمیوں کے اس موسم میں یہ ایک مثالی مشروب ہے جو آپ کو تروتازہ کردے گا جبکہ تربوز بھی سیزن میں اِن ہیں تو کیوں نہ ان کی موجودگی سے بھرپور فائدہ اٹھایا جائے۔ تربوز ایک ایسا پھل ہے جو متعدد صحت بخش اجزا سے لبریز ہے، یہ چونکہ نوے فیصد پانی پر مشتمل ہوتا ہے تو گرمیوں کے اس موسم میں تربوز کا استعمال آپ کو مکمل طور پر سیراب رکھنے میں بے حد مدد گار ثابت ہوگا۔ دیکھیں کیسے عامر لیاقت اس لذیذ مشروب کو بنانے کے عمل سے لطف اندوز ہو رہے ہیں، تربوز کا یہ ٹھنڈا میٹھا مزے دار سلش آپ کی افطاری کو بے حد پُر لطف بناسکتا ہے۔ وہ فرائڈ ہیرا فش بھی بناتے ہیں جو ایک تلی ہوئی مچھلی کی ترکیب ہے اور اسے مختلف مسالوں کے مرکب کا استعمال کرکے تیار کیا جاتا ہے۔ اسے بھوک لانے والی(ایپیٹائزر) کے طور پر بھی پیش کیا جاسکتا ہے اور یہاں تک کہ ایک مرکزی پکوان کے طور پر بھی لطف اٹھایا جاسکتا ہے جو آپ کی پسند کی چٹنی کے ساتھ مل کر آپ کے دسترخوان کو مکمل بناتی ہے۔